Rajniti ki galliyaron mein yeh kya ho raha hain

netaon ko karod ke offer mil rahe hain

aur aam aadmi mahangai ka bojh dho raha hain

Jise bhi dekho, khursi mein atki uski jaan hain

aam admi bechara petrol ki keeman se pareshaan hain

Roj naye samikaran roj nayee tikdam hain

Jeeye kaise yeh soch kar aam admi ke naam mein dum hain

Mahangai, aatankwaad, se aam admi ki zindagi jal rahi hain

deal hogi ki nahi ispar  kya jor short se rajniti chal rahi hain

Netaonke paitre dekh ashcharya vyakt kiya Saap ne

Woh bhi kah utha, besharmo Had kardi aap ne.

Samajwadi party aur congree jo kal tak ek dusre ko seedhe munh naam nahi lete the, aaj dusre ka gungaan karte nahi thakte. Ise kahte hain HAD KAR DI AAPNE.

Shahid Siddique, jo kal tak har TV channel par ja kar bolte the ki Nuclear Deal desh hit mein aaj kah rahe hain, is Nuclear Deal se desh ka kuch bhi hit nahi hone wala. Ek Din mein unhe jo sakshatkar hua usse hi kahte HAD KAR DI AAPNE.

Jo Left parties kal tak sarkar bachane ke liye kuch bhi jod tod kar rahi thi aaj sarkar girane ke liye kisi se bhi hath milane ko taiyaar hain. Mahangai Badhi inhone samarthan wapas nahi liya, kayee ghatnaye ghati jo inke usulo ke khilaf thi inhone samarthan wapas nahi liya, to phir aisa kya ho gaya ki naubat yahan tak aa pahunchi. Aap readers mein se kisiko idea ho to mujhe batayeega tak mein bhi kah sakoo, HADH KAR DI APNE.